http://f.top4top.net/p_2984t6uq1.png
بركات ممثل ولاعب كورة
بركات : مش هابطل تمثيل و لا كورة
09/01/2011
09/01/2011
 |
يهوى الفنون والاستماع للموسيقى ومشاهدة الأفلام الكوميدية القديمة.. موهوب في الكرة وموهوب في مجالات عديدة منها التمثيل.. "وشوشة" أجرت مع بركات حواراً من نوع خاص جداً والاختلاف هنا أننا لسنا من ألقى بالأسئلة لبركوتة وإنما منحنا الفرصة لزملائه في الفريق من أجل توجيه الأسئلة التي تدور في ذهنهم حوله فدار الحوار بالشكل التالي.
جمعة: إيه يا كوتة كنت مختفياً في القمة الأخيرة.. يا ترى إيه الحكاية؟
بركات: خليك في حالك يا جمعة.. كنت مختفي فين أنا لعبت وكنت مختفي فين أنا لعبت وكنت كويس ولا هو أنا لازم الحقكم في كل قمة وأجيب جول في آخر دقيقة علشان أبقى موجود.. أنا أديت مباراة جيدة من وجهة نظري لكن التوفيق غاب عني كرة واحدة كنت هاسجل فيها لكن يا خسارة ما فيش نصيب.
غالي: إيه حكايتك مع الزعيم؟
بركات: آه.. أنت عارف أنا باموت في عادل إمام وباحب كل أعماله سواء القديمة أو الجديدة.. الراجل ده بجد عملاق ومن حقه إنه يكون أحسن ممثل كوميدي في العالم العالم.
شوقي: إيه آخر أخبار السبوبات؟
بركات: يا ساتر يا رب.. يا بني أرحمني بقى هو أنت أيه؟ وبعدين الإعلانات دي نجومية هو أي حد ممكن الناس تطلبه لتصوير الإعلانات.
إينو: عندك واسطة تسفرني الخليج؟
بركات: هو أنت محتاج وسايط ده أنت تقدر تعمل أي حاجة وبعدين تروح الخليج تعمل إيه ما أنت مستريح آخر راحة هنا في الأهلي ويتلعب أساسي وبعدين لما أنت عايز تروح الخليج كنت بتجدد ليه؟
أسامة حسني: هي الناس عمال تقولك بطل ليه؟
بركات: بص يا أسامة العين دايما مش بتبص غير للأحسن منها.. وبعدين هو أنا لوحدي اللي بيطالبوه بالاعتزال ده نص الفريق بس دائماً سيد معوض يقع مننا والناس بتنساه من المجموعة الكبار مش عارف ليه.. عموماً أنا مش ناوي لا أبطل كورة ولا تمثيل.
شريف عبد الفضيل: إيه رأيك في الدفاع؟
بركات: من ناحية إيه بالظبط..؟ آه أنت تمام يا شريف وشايلين الفريق كويس وأنا من رأيي قوة أي فريق من قوة دماغه.
فتحي: نفسي ترجع المنتخب؟
بركات: والنبي يا فتحي ما تكلمني في الموضوع ده أنا أخذت قرار لما حسيت أنني مش هاقدر أقدم جديداً وكان قراراً نهائياً بالنسبة لي.
شكري: مستني أشوف أول أفلامك يا كابتن؟
بركات: قول يا رب بس أنت عارف أنا مأجل كل حاجة دلوقتي ومركز مع الأهلي دلوقتي لأنني مش عايز اتشتت بأي حاجة تانية لأنني ما بحبش أدخل تجربة جديدة وتفشل.
عاشور: ملك الحركات.. مالوش جزء تاني؟
بركات: أنا نفسي والله يا عاشور كانت تجربة حلوة جداً وأنا حبيت الموضوع قوي وأتعرض عليّ نعمل جزء تاني بس كنا مشغولين قوي إن شاء الله في رمضان الجاي يكون فيه عمل تاني كويس ويعجبك.KORANET
كورة نت
: موقع , كورة نت موقع رياضي اخباري يرصد الأخبار الرياضية العربية والعالمية ، الموقع يحتوي على ترتيب للجداول الدوريات حسب الدوري المفضل لديك ، ويحتوي على جدول لمباريات اليوم ومباريات الغد ,ويحتوي ايضأ على صفحة للبث المباشر لجميع قنوات البين سبورت وابو ضبي الرياضية ، نقل مباشر، لسنا الأول في النقل المباشر ولكن نسعى ان نكون اول اختياراتكم .
ليست هناك تعليقات:
إرسال تعليق